Bo‘lajak shifokorlar Afshona qishlog‘ida qasamyod qabul qilishdi
2024-09-12 12:35:00 / Yangiliklar
Abu Ali ibn Sino nomidagi Buxoro davlat tibbiyot institutining 1-bosqich talabalari alloma tug‘ilib o‘sgan Peshku tumanidagi Afshona qishlog‘ida buyuk tabib haykali poyida qasamyod qabul qilish marosimi oliygoh tashkil etilgan kundan buyon an’anaviy tarzda davom etmoqda.
Joriy yilda ham institutga qabul qilingan 1200 nafarga yaqin bo‘lajak shifokorlar kasbiga sadoqatli bo‘lish, har qanday sharoitda tibbiy yordam ko‘rsatishga, o‘z manfaatiga berilmaslik uchun bor kuch va g‘ayratini sarflashga, halol bo‘lishga qasamyod qildi. Abu Ali ibn Sino yodgorlik poyiga gullar qo‘yib, hurmat bajo keltirdi. Yoshlar fikrlar va ishlar pokligi, yuksak ishonch va ajralmas najot ramzi sifatida oq xalat kiyishning ramziy marosimini o‘tkazishdi.