O‘zbekiston-Belarus: Agrar soha tadbirkorlari tajriba almashib, o‘zaro manfaatli shartnomalarni imzolashdi
2024-08-27 15:25:00 / Yangiliklar
Shuni alohida ta’kidlash kerak, mazkur biznes-forumni o‘tkazishdan ko‘zlangan maqsad – O‘zbekiston va Belarus tadbirkor ayollarining biznes va iqtisodiy aloqalarini mustahkamlash, yangi hamkorlik imkoniyatlarini ko‘rib chiqish va mavjudlarini kengaytirish, o‘zaro tajriba almashish, ikki mamlakat iqtisodiyotining barqaror rivojlanishiga hissa qo‘shish, o‘zaro tovar ayirboshlash hajmini oshirishga xotin-qizlarni keng jalb etishdan iborat.
Tadbir davomida har ikki davlat tadbirkor ayollari o‘z faoliyatlarini qanday boshlagani, bosib o‘tgan yo‘li, qishloq xo‘jaligi mahsulotlari, xususan, meva-sabzavotlar hamda go‘sht va sut mahsulotlarini yetishtirish va qayta ishlash bo‘yicha chiqishlar qilib, o‘z tajribalari bilan o‘rtoqlashdi.
Tadbir so‘ngida ikki mamlakat tadbirkor ayollari va davlat organlari o‘rtasida turli formatdagi uchrashuvlar ham o‘tkazilib, tijorat shartnomalari, bitimlar va hamkorlik shartnomalarini tuzish bo‘yicha kelishuvlarga erishildi.