Ўзбекистон Республикаси Энергетика вазирлиги

Унда Энергетика вазирлиги, Иқтисодиёт ва молия вазирлиги, “Ўзбекистон миллий электр тармоқлари” АЖ, Хитойнинг “Shandong Electrical Engineering & Equipment Group Co., Ltd.” компанияси, Осиё тараққиёт банки, Жаҳон банки, Европа тикланиш ва тараққиёт банки ҳамда энергетика соҳасида фаолият юритаётган ташкилотлар раҳбарияти ва масъуллари иштирок этди.

Тадбир доирасида электр энергетика соҳасида халқаро молия институтлари томонидан молиялаштирилаётган лойиҳаларга маҳаллий ишлаб чиқарувчилар ва пудрат ташкилотларни жалб этиш, инвестициявий ҳамкорликни ривожлантириш, натижага асосланган молиялаштириш механизмлари – «RBL» ва «PforR» каби инструментлар бўйича тажриба алмашиш, шунингдек, энергетика инфратузилмасини ривожлантиришдаги истиқболлар бўйича фикр алмашилди.

Мазкур тадбир қуйидаги йўналишларда мулоқот ва ҳамкорликни чуқурлаштиришга хизмат қилади:

🔹Электр тармоқларини модернизация қилишда халқаро молия институтлари иштирокининг аҳамияти;

🔹Маҳаллий компанияларнинг амалдаги ва истиқболли лойиҳалардаги иштироки;

🔹“Shandong Electrical Engineering & Equipment Group Co., Ltd.” компаниясининг фаолияти;

🔹«Зафар» ва «Файзобод» 220 кВ подстанцияларида амалга ошириладиган лойиҳалар қурилишига старт бериш ташаббуслари.

Магистраль электр тармоқлари ва подстанцияларни ривожлантириш, модернизация ҳамда реконструкция қилиш мақсадида халқаро молия институтлари билан ҳамкорликда 19 та инвестиция лойиҳаси амалга оширилаётган бўлиб, жами 2 385 км электр узатиш тармоқлари қуриш ва 8 062 МВА (мегаволт ампер) қувват яратиш режалаштирилган.

Ушбу ишларнинг амалга ошириши — юртимиз электр энергетика тармоғини барқарор ривожлантириш, маҳаллий салоҳиятни мустаҳкамлаш ва халқаро ҳамкорликни янги босқичга олиб чиқишда муҳим аҳамият касб этади.