Ўзбекистон Республикаси Иқтисодиёт ва молия вазирлиги

Молиявий ҳисоботнинг ҳалқаро стандартлари (МҲХС) йўналишида:

1. 2025 йил III чорак якунларига кўра:

бухгалтерларни халқаро сертификатлаш доирасида талабгорларнинг имтиҳон топшириш харажатларини қоплаш бўйича 817 та ариза кўриб чиқилиб, улардан 425 нафари учун 602,3 млн сўм қоплаб берилди;

жами 218 нафар тингловчиларни ўқитиш харажатларини қоплаш бўйича 5 та ўқув марказдан келиб тушган 15 та ариза кўриб чиқилди, шундан, жами 7 та аризадаги 141 нафар тингловчиларни ўқитиш харажатлари учун 626,4 млн сўм қоплаб берилди.

2. АCCА (Association of Chartered  Certified Accountants) билан ўзаро ҳамкорлик жараёнида 19 та ўқув марказлари халқаро аккредитациядан муваффақиятли ўтди.

3. Молиявий ҳисоботнинг халқаро стандартларини ўқитиш бўйича икки босқичли бепул масофавий онлайн таълим платформасида (ifrs.academy) 13 000 дан ортиқ тингловчилар, талабалар, ўқитувчилар, бухгалтерлар ва молиячилар ушбу платформаларда таълим олмоқда.

4. Ўқитиш ва бухгалтерларни халқаро сертификатлаш доирасида имтиҳон топшириш харажатларини қоплаш бўйича ва давлат органлари билан ўзаро ҳамкорлиги соҳасига ахборот коммуникация технологияларини жорий этиш бўйича «МҲХС» дастурий мажмуаси тайёрланиб, 1 январдан ишга туширилди.

Аудиторлик фаолияти соҳасида:

1. Республикамизда аудиторлик хизматлари бозорининг умумий тавсифига кўра, 2025 йил 30-центабр ҳолатида аудиторлик ташкилотларининг сони 167 та, аудитор малака сертификатига эга бўлганлар сони 1264 нафарга етди.

2. Аудиторлик ташкилотлари фаолиятининг шаффофлигини таъминлаш ва уларни давлат органлари билан ўзаро ҳамкорлиги соҳасига ахборот-коммуникация технологияларини жорий этиш бўйича «Аудит» дастурий мажмуаси ишлаб чиқилди ва амалиётга жорий этилди. Ҳозирги вақтда «Аудит» дастурий мажмуаси http://audit.mf.uz ва https://audit.imv.uz  веб-саҳифаларида ишлаб келмоқда.

3. Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш масалалари бўйича:

2025 йил январь ойидан бошлаб Иқтисодий жиноятларга қарши курашиш департаменти билан биргаликда жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш (ЖФОДЛ/ТМ/ОҚҚТМҚК) миллий тизимини ўзаро баҳолашнинг 3-раундига тайёргарлик кўриш бўйича ишлар олиб борилмоқда. ЖФОДЛ/ТМ/ОҚҚТМҚК бўйича Идоралараро комиссиянинг баённомаси билан тасдиқланган «Йўл харитаси» ва Чора-тадбирлар режаси доирасида қатор ишлар амалга оширилмоқда ва шу тўғрисида 2025 йилнинг январь–центабр ойлари учун ҳисобот тайёрланди.

4. Иқтисодиёт ва молия вазирлигининг Аудит халқаро стандартларининг (АХС) давлат тилидаги матнини кўриб чиқиш Комиссиясининг иш регламенти тасдиқланиб, мазкур Комиссия таркибига соҳанинг етакчи мутахассислари киритилди.

Шунингдек, Жаҳон банки томонидан молиялаштирилаётган Институционал салоҳиятни ошириш (ICBP) лойиҳаси доирасида АХСни таржима қилиш бўйича тадбирлар ўтказилмоқда.

Ишлаб чиқилган норматив-хуқуқий ҳужжатлар:

1. Бухгалтерия ҳисоби соҳасини тизимлаштириш, Молиявий ҳисоботнинг халқаро стандартларига (МҲХС) ўтишни рағбатлантириш ва тадбиркорлик субъектларининг МҲХСга ўтиши учун қўшимча шарт-шароитлар яратиш, молиявий ҳисоботнинг ташқи сифат назорати тизимларини такомиллаштириш, шунингдек, бухгалтерлар ва аудиторлар касбининг ҳуқуқий мақоми ва нуфузини мустаҳкамлаш, уларнинг касбий одоб-ахлоқ талабларига риоя қилиши, бухгалтерлик ва аудиторлик хизматлари сифатини халқаро стандартлар асосида таъминлаш, бухгалтерия ҳисоби ва аудит соҳасини рақамлаштириш орқали ривожлантириш мақсадида Ўзбекистон Республикаси Президентининг «Молиявий ҳисоб тизимини халқаро талаб ва стандартларга мувофиқ тубдан такомиллаштириш чора-тадбирлари тўғрисида» қарори лойиҳаси ишлаб чиқилиб, 2025 йил 15-центабрдаги ПҚ-282-сонли Қарор қабул қилинди.

2. Молиявий ҳисоботнинг халқаро стандартларини (МҲХС) жорий этишга доир ишлар амалга оширилмоқда. Ушбу ислоҳотларни изчил давом эттириш, шу билан биргаликда МҲХСни жорий этиш жараёнини мувофиқлаштириш ва методологик таъминлаш ҳамда тадбиркорлик субъектларини қўллаб-қувватлаш ва енгиллик яратиш мақсадида:

Ўзбекистон Республикаси Иқтисодиёт ва молия вазирлигининг айрим идоравий норматив-ҳуқуқий ҳужжатларига қўшимчалар киритиш ҳақида (Адлия вазирлиги томонидан 2025 йил 11 февралда рўйхатдан ўтказилди, рўйхат рақами 3607) буйруғи қабул қилинди,  унга асосан:

Бухгалтерия ҳисобининг миллий стандарти (4-сонли БҲМС) «Товар-моддий захиралар»;

Бухгалтерия ҳисобининг миллий стандарти (5-сонли БҲМС) «Асосий воситалар»;

Бухгалтерия ҳисобининг миллий стандарти (7-сонли БҲМС) «Номоддий активлар»га тегишли ўзгартириш ва қўшимчалар киритилди.

Иқтисодиёт ва молия вазирлиги

Ахборот хизмати